SEBAHAGIAN INTISARI PERKATAAN SYEIKH. (4)
1.
Mewarisi pakir : membuang ratik di rumah,
memakai pakaian yang rusak, bajalan di hadapan guru (ulama).
2.
Pabila kita handak mentalqinkan mayit,
pabila ada di rumah nang haid maka suruh kaluar karna malaikat kada mau hadir,
bila ada bini-bini hadir, suruh ba-jilbab bujur-bujur manutup aurat, malaikat
kada mau malihat aurat bini-bini, nang katuju malihat aurat itu syaitan, jin,
jadi manusia nang katuju malihat aurat itu namanya di masuki syaitan.
3.
‘Alim : mengetahui yang tida
ada sebelumnya kada tahu.
4.
‘Arif : mengetahui yang sebelumnya kada tahu.
5.
Ulul ‘Azmi : yang paling banyak
menghadapi tantangan.
6.
Hakim : urang yang mempunyai Ilmu Hikmah.
7.
Gunakan Hp untuk pasan kemaslahatan kita
haja, yang memudaratkan jangan.
8.
Pabila bini guru itu mama kita.
9.
Hasil bapacaran kada mau menzuriatkan
zuriat yang sholih, kada harapan jadi yang wali.
10. Ilmu Allah
Ta’ala sangat luas tida ada batasnya, karna Allah Ta’ala bersipat عزيز , حكيم .
11. Biasakan
waktu itu jangan sampai tabuang-buang, karna waktu ikam sekarang ini sangat
larang, menunggu guru bawa Mutalaah, baca Qur’an, hargai waktu ikam ini, waktu
ikam ini larang.
12. Ingatakan !
sekali lagi ingatakan jangan dibiasakan membuang waktu.
13. Waktu
sebelum sembahyang bujur-bujur ba-adab.
14. Hati-hati
banar ! niat menuntut ilmu.
15. Karamat yang asli itu
Istiqamah, bukan yang tahu di hati orang.
16. Keadaan
Rasulullah selalu takut akan Maksiat, jikalau kita kada takut lawan maksiat
maka luar biasa kerasnya hati kita.
17. Badapat
lawan urang nang barabut lawan dunia ba-apa kita.
18. Mendukung
urang barabut dunia pasan ma-apa, jaka mendukung urang nang barabut ilmu.
19. Ulama harus di atas, jangan
sampai jadi ‘Abdu dunia, ‘abdu umara.
20. Tuan guru
itu bamewah-mewah niatnya membesarkan ilmu.
21. Urang nang
sakolah banyaman-nyaman, kada mau ‘alim.
22. Urang yang
mulia di uji dengan adanya urang yang rendah, urang yang kaya di uji dengan
adanya urang yang faqir, supaya ia (urang yang mulia, urang yang kaya)
bersyukur, bukan untuk takabbur.
23. Rangkaian
agama kita yang mu’tabar : iman dulu, anyar ilmu, anyar amal.
24. Pahala
paling ganal dalam agama kita yaitu pahala iman, andaknya dalam hati, kedua
pahala bacaaan dua kalimah syahadat.
25. Syaitan itu bisa masuk pabila
hati orang itu keras.
26. Pendengaran,
penglihatan, hati, dengan
tiga ini orang bisa mulia, ini harganya luar biasa larangnya, ini sumber segala
macam, sumber untuk menuntut ilmu, kita syukuri yang tiga macam ini, akal kada
berfungsi maka akal kada berjalan, yang memberi yang tiga macam ini hanya Allah
Ta’ala.
27. Tujuan
Ibadat adalah
ma-ingat tuhan, Allah Ta’ala.
28. Pabila lupa
didalam Sembahyang itu namanya Was-was syaitan.
29. Pabila urang
mendustakan ayat-ayatnya (Allah) pasti merika fasik.
30. Urang yang
bujur Imannya pasti inya ba-ibadat pagi sore, menghendaki merika itu dengan
Ibadatnya akan keridhoan Allah Taala.
31. Miskin yang di kehendaki Rasulullah
yaitu urang yang kada menampakkan bahwa inya miskin, kada meminta-minta.
32. Imam Nafi’, Tabi’in, asalnya
adalah hamba Abdullah bin Umar bin Khattab, beliau inilah paguruan Imam Malik.
33. Was-was itu menunjukkan ada
ada kerusakkan dalam akalnya, atau ada kejahilan pada agama, atau ada
kedua-duanya
34. Fatihah artinya surah pembuka,
karna di jadikan Fatihah ini oleh Allah Ta’ala pembuka kitab sucinya Al-Qur’an.
35. Do’a sunatnya digapit
dengan dua sholawat, karna pabila do’a kada di baca sholawat, maka
terkatung-katung, kada kawa naik.
36. Bacaan
al-Qur’an harus menurut bacaan Rasulullah, kada boleh menyalahi.
37. مَقْرَى: tempat
pasan baampih membaca Al-Qur’an, tiap juz ada 20 مقرى
.
38. Maandak duit
di Bank, mainjam duit di Bank hukumnya, karna manolongi Yahudi, karna Bank itu
menurut peraturan Yahudi.
39. Kita
bertindak sesuatu apa yang ujar guru, mudah.
40. Surah
Al-Fatihah mempunyai ngaran lebih dari 30 ngaran, pabila tiap-tiap sesuatu
banyak mempunyai ngaran, menunjukkan mulianya.
41. Urang katuju
mangumpulkan harta, duit, dapat do’a Rasulullah : celaka.
42. Ingatakan ! pabila masih maminta
kada usah ba-agak-agak.
43. Pujian
kuwitan itu do’a,
kuwitan memuji bagus maka di jadikan Allah kita bagus.
44. Pabila hamba
duit, hamba pakaian, maka dapat do’a Rasulullah : celaka.
45. Pabila kada
diberi , marangut, pabila diberi, senang, itu hamba duit.
46. Kegunaan أعشار , pasan untuk baampih membaca Qur’an, iya
yang namanya dalam ilmu Qiraat : مَقْرَى .
47. Paling dikit
membaca Qur’an itu satu أعشار dari satu juz.
48. Mahapal
Qur’an niat supaya tabaca Qur’an.
49. Zuhud :
meninggalkan dunia kerna Akhirat.
50. Ujar Imam
Ahmad : tingginya sanad menunjukkan parak dengan Allah Ta’ala.
51. Padhilat
duduk Ihtiba’ : menguatkan pinggang.
52. Sesudah
Magrib sunat kita berwirid duduknya dengan Ihtiba’.
53. Waktu
Rasulullah hidup, para sehabat kadada nang nyamannya.
54. Kadada
sejarahnya urang ‘alim menuntut ilmu senang-senang.
55. Waktu
mengaji jangan memikirakan dunia.
56. Urang
mengaji ada 2 macam : (1) handak yang nyamannya ja, (2) yang sanggup menahan
uyuh/ngalih.
57. Kita mengaji
ilmu agama, yang menentukan itu gurunya.
58. Waktu kita
menyuruh urang menggawi kebaikan, maka niatkan pada waktu itu di hati kita :
mudah-mudahan aku kawa menggawinya, waktu kita melarang urang menggawi nang haram
maka niatkan pada waktu itu di hati kita : mudah-mudahan aku kawa
menghindarinya.
59. Menuntut
ilmu agama itu wajib, jika tida menuntut ilmu, tatinggal kewajiban, jadi, kada
menuntut ilmu itu salah jua.
60. Setelah
menuntut ilmu ada 2 kewajiban : meamalkan dan meajarkan, jadi, kalau kada
meamalkan lawan ilmunya, salah jua.
61. Handak
mencari ilmu yang baberkat itu dapatnya dari yang berduduk, yaitu majlis.
62. Hukum agama
untuk perwakilan, pabila laki-laki masih kawa, maka laki-laki.
63. Jangan
main-main mencucuk, karna pabila salah, maka dapat jua sahamnya.
64. Sifat
bini-bini di ilmu tabiat cepat percaya.
65. Ingatakan !
, bini-bini separu dari laki-laki.
66. Tanda akhir
zaman bini-bini banyak nang tampil.
67. Pabila kita
memilih bini-binian berarti menyalahi Qur’an, di qur’an : الرجال قوّامون على النساء .
68. Nang nyaman
di Masjidil Haram baibadat jangan manggaduhi urang.
69. Pabila inya
manuntut ilmu bukan karna Allah Taala, berarti inya maulah tempatnya dineraka.
70. Biji gandum
kurang lebih bentuknya sama dengan banih, tapi bentuk gandum tapanjang sedikit
daripada banih.
71. Waktu
belajar, nawaitunya jangan pasan keina aku ma-ajar, tapi nawaitunya pasan aku
maamalkan, pabila nawaitunya pasan ma-ajar maka keina akan stres.
72. Apabila
masih sakolah, jangan bacampu-campur lawan urang nang kada sakolah.
73. Urang nang
sabar mengaji, inya kada guyah.
74. Tawadhu’ :
merasa rendah, merasa di bawah.
75. Tawadhu’
lawan guru : merasa inya kada bisa, guru nang bisa.
76. Timbul
bapacaran karna kosong hati dari cinta lawan ilmu, kosong cinta lawan Qur’an,
karna kosong maka syaitan yang masuk
77. Pabila
meminta, sekali, dua kali, maka yang di pintanya itu jadi racun (jadi tabiat)
di hatinya meminta itu.
78. Jangan tahu
lawan istirahat, jangan tahu lawan baramian, sampai tuha, kada manyasal lagi.
79. Urang kada
mau ‘alim, kada mau pintar, kada mau sugih, kada mau meningkat
hidup, sebabnya satu : takabbur.
80. Urang miskin
hidup sakit, kada mau sugih, sebabnya : takabbur.
81. Ujar Imam
Ghazali : لا ينال العلمَ متكبِّرٌ ولا مستحيٍ
.
82. Pabila ikam
bakawinan jangan maandaki kotak, karna, itu samaai ikam maminta-minta jua,
manuruti siapa? Itu adat urang Banjar bahari, buhan MD (Muhammadiyyah).
83. Pabila
mangaji handak nyaman, kada mau ‘alim, pabila nukar baju kada usah
bapilih, lamun duitnya tuh maminta jua, sa-adanya ja.
84. Kada usah
bakuyu pabila duitnya maminta, saadanya ja, mun cagar maminta jua, ada dibari
kuwitan, tukar sacukupnya, keina mun handak manuruti guru, kada masanya ikam
lagi, turuti ilmunya ja dulu, aku pank waktu mangaji dahulu, uhu pada ikam.
85. Jangan bini
di biarakan balalah.
86. Keina ikam
bulik, jangan ikam baisi bini yang sexsi, ini bukan akhlak urang yang
hapal Qur’an karna Allah , ini akhlak urang yang hapal Qur’an syaitan.
87. Urang
Munafiq itu di hatinya ada penyakit, munafiq tida ada pegangan, tida ada
kesetiaan.
88. Qur’an
mengutuk urang-urang yang berlepas lawan paguruannya, waktu gurunya dalam
keadaan genting.
89. Pabila urang
kada pamercayaan, itu hatinya ada penyakit, pabila kada pamercayaan, kada mau
jadi apa aja yang di gawinya, mangaji kada mau jadi ‘alim.
90. Urang
Munafiq tanda-tandanya/sifatnya : pabila
yang sakit inya bukah, pabila manolongi inya minta lihat.
91. Waktu
mangaji tida luput dari godaan syaitan.
92. Yakin ! ,
urang yang mahapal Qur’an di jamin rezqinya.
93. Mangaji Piqih
jangan sampai ikam satu kalimat kada paham, jangan sampai ikam kaluar dari sini
bulik masih ada kada paham satu kalimat,
kada paham satu ibarat.
94. Kitab
sebagai pegangan, namun yang untuk diamalkan adalah dari apa yang di anuakan
guru.
95. Murajaah yang perlu di perhatikan
: 1. Makharij, 2. Waqaf, 3. Ma’na/tafsir.
96. Bujur-bujur
di dhabit ma’nanya, dan segala macam.
97. Hari Asyura,
hari yang mustajaabah.
98. Satu
madrasah, lamunnya gurunya kada mau mambimbing ikam, maka yang ikam dapat
ilmunya aja, cara maamalkannya kada.
99. Sekarang di
Darussalam sudah kahilangan urang yang ahli Balagah.
100.
Isi Al Qur’an keseluruhannya tujuannya
untuk ma_ingatkan kita lawan akhirat.
101. Pabila bertambah ilmu, kada bertambah
khusunya lawan Allah Ta’ala berarti kada dapat manfa’atnya ilmu.
102. Kita tida bisa terlepas dari guru.
103. Cara kita hidup yang paling dijamin
keselamatannya, apapun yang akan kita kerjakan menurut apa yang ujar guru.
0
komentar
